Memoire Resepte

Franse roostercroissants

Bestanddele

4 groot eiers

2 druppels vanieljegeursel

5 mediumgrootte croissants

250 ml sagte roomkaas

1 houertjie aarbeie

12 repe streepspek, bros gebraai

Esdoringstroop na smaak

Metode

  1. Klits eiers saam met vanieljegeursel.
  2. Sny croissants in die helfte (moenie heeltemal deursny nie), vou oop en week vir 2 minute aan elke kant in eiermengsel.
  3. Braai tot goudbruin in ’n kleefvrye pan met botter en olyfolie.
  4. Plaas op ’n bord, pak lae roomkaas, aarbeie en spek daarop en bedruip met esdoringstroop.
  5. Strooi versiersuiker liggies bo-oor net voor opdiening en geniet saam met vonkelwyn, granaatpitte en ’n skeutjie bessiesap.

 

Napolitanokommetjie 

Bestanddele

10 ml botter

10 ml olie

1 mediumgrootte rooi ui

1 mediumgrootte selderystingel

2 huisies knoffel

1 blikkie heel geskilde tamaties, fyngedruk

150 ml hoenderekstrak

50 ml wortels, fyngerasper

4 swart sampioene, gesny

100 g vars gemengde kruie

4 eiers

Swart peper en sout na smaak

Parmesaanskaafsels

1 Franse brood, in skywe gesny en gerooster

Metode

  • Verhit botter en olyfolie in ’n pot.
  • Voeg gekapte ui, selderyskyfies en fyngedrukte knoffel by en braai totdat dit glansend is.
  • Voeg fyngedrukte tamaties, hoenderekstrak, wortels en sampioene by en prut vir 30 minute, roer gereeld.
  • Wanneer die sous begin verdik, plaas ’n pot op die stoof met water, sout en asyn en verhit tot kookpunt.
  • Wanneer die water begin kook, verminder die hitte en breek die eiers daarin; wees versigtig om nie die geel te laat breek nie. Sit die deksel op en stoom die eiers; die water moenie kook nie.
  • Wanneer die eiers gaar gestoom het en mediumsag is, skep dit met ’n gaatjieslepel uit die water uit en laat die water dreineer.
  • Skep die Napolitanosous in ’n diep kommetjie en plaas geposjeerde eiers, parmesaanskaafsels en geroosterde bruschetta bo-op.

 

“Bubble and squeak” 

Bestanddele

80 g gesoute botter

50 ml olyfolie

50 g vars gemengde kruie

400 g van gisteraand se geroosterde groente

300 g aartappels, geskil en gekook

4 eiers

100 g spekblokkies, bros gebraai

Metode

  1. Smelt botter en olyfolie in ’n kleefvrye pan oor matige hitte.
  2. Voeg gekapte kruie by en geur goed met sout en peper.
  3. Voeg geroosterde groente en aartappels by en druk fyn.
  4. Druk alles in ’n plat laag en laat dit vir 3 tot 4 minute braai; ’n mens behoort nou die kenmerkende “bubble and squeak”-geluide te hoor. ’n Goue kors word aan die onderkant gevorm.
  5. Draai om en braai die ander kant ook tot dit bros is.
  6. Herhaal die proses 4 tot 5 keer om ’n bros goue laag te vorm.
  7. Maak 4 holtes in die kors en voeg eiers daarin.
  8. Sit die deksel op en laat dit vir 4-5 minute stoom totdat die eierwit melkerig raak.
  9. Strooi bros spekblokkies bo-oor, sny in kwarte en dien op saam met ’n heerlike mimosa (lemoen .

 

Dekadente hoendervoupakkies (wraps)

Bestanddele

100 ml komkommer, pitte verwyder en fyngerasper

250 ml Griekse jogurt

5 ml gekapte kruisement

Sout en peper

1 hoenderborsie in repies gesny

250 ml veeldoelige meel

1 eier

250 melk

250 ml broodkrummels

100 ml hummus

100 ml gesnyde iceberg-blaarslaai

50 ml geroosterde rooi soetrissie

1 tamatie

1 avokado

50 ml koljander

50 ml feta, gekrummel

6 vye

1 lemmetjie

2 voupakkies (wraps)

 Metode

  1. Meng gedreineerde komkommer, jogurt, kruisement, knoffel, sout en peper. Hou hierdie tzatziki eenkant.
  2. Doop hoenderrepies in meel, dan in eier-en-melk-mengsel en heel laaste in broodkrummels. Braai in olie tot bros en bruin.
  3. Smeer hummus en tzatziki oor die voupakkie, rangskik hoenderrepies bo-oor en dan blaarslaai, soetrissies, tamaties, avokado, koljander, feta en gesnyde vye.
  4. Vou toe en geniet saam met ’n vrugtige rosé.

 

Quiche vir middagete

Bestanddele

1 rol skilferkorsdeeg

150 g geroosterde botterskorsie

150 g geroosterde, gekerfde stukkies hoender

20 g salie

100 g ricottakaas

3 eiers

100 g crème fraîche

30 g pampoenpitte

Metode

  1. Voer ’n tertbak met skilferkorsdeeg uit.
  2. Meng botterskorsie, hoender, gekapte salie, pampoenpitte en ricotta.
  3. Plaas botterskorsie-en-hoender-vulsel in die uitgevoerde tertbak.
  4. Meng eiers, crème fraîche en ricotta, geur na smaak en giet oor die vulsel.
  5. Bak vir 30 minute by 180 °C totdat die middel gestol het.
  6. Laat afkoel en dien op met roket-ui-en-vinkel-slaai.

 

Seekospastaslaai

Bestanddele

250 g linguinipasta

60 ml basiliekruidpesto

100 ml songedroogde tamaties in olie

150 g gerookte salm

10 stingels geblansjeerde seldery

50 g wilde roket

1 houertjie frambose

50 g artisjokke

2 saggekookte eiers

Parmesaanskaafsels

Metode

  1. Kook pasta en dreineer sonder om dit af te spoel.
  2. Voeg pesto en songedroogde tamaties by die warm pasta.
  3. Plaas pasta op ’n opskepbord en voeg die res van die bestanddele by.
  4. Geniet met Sauvignon Blanc wat in hout verouder is.

 

Thaise hoenderkommetjie 

Bestanddele

250 ml koeskoes

250 ml hoenderekstrak

2 hoenderborsies

Sout en peper

10 ml bruin suiker

20 ml vars lemmetjiesap

20 ml olyfolie

2 knoffelhuisies

40 ml sojasous

10 ml grondboontjiebotter

10 ml vars gerasperde gemmer

100 ml rooikool, fyngesny

100 ml wortels, in dun ringetjies gesny

100 ml boontjiespruite

1 ryp avokado, in skywe gesny

1 rooi soetrissie, in skywe gesny

2 eiers, saggekook

Vars koljander en sesamesaad na smaak

Metode

  • Meng koeskoes en kokende hoenderekstrak in ’n bak. Bedek met kleefplastiek en hou eenkant.
  • Plaas geskroeide hoenderborsies in ’n ander bak en geur met sout, peper en lemmetjiesap.
  • Meng bruin suiker, vars lemmetjiesap, olyfolie, knoffelhuisies, sojasous, grondboontjiebotter en vars gerasperde gemmer en bring tot by kookpunt. Haal van hitte af en hou eenkant.
  • Plaas hoender in ’n toebroodjierooster tot dit gaar is. Moenie oorgaar maak nie.
  • Maak koeskoes met ’n vurk los en vul een-vyfde van twee kommetjies daarmee, gevolg deur die groente.
  • Plaas avokadoskywe in die middel van die kommetjies, gevolg deur gesnyde hoender en ’n eier wat in die helfte gesny is.
  • Bedek met die warm sous, vars koljander en sesamesaad en geniet saam met ’n glas koue Chardonnay.

 

Spinasie-en-ricotta-cannelloni 

Bestanddele

6 cannellonibuise

600 g gewaste spinasie, geblansjeer tot verwelk

250 g ricottakaas

3 eiers

250 ml witsous

400 ml Napolitanosous

100 g mozzarella

Witsous 

Bestanddele

60 ml ongesoute botter

60 ml meel

250 ml melk

Sout

Wit peper

Napolitanosous (Sien resep onder “Ontbyt”)

Metode

  • Smelt botter in ’n pan oor lae hitte.
  • Klits meel by en laat saggies kook sonder om bruin te word; roer gedurig.
  • Haal pan van die hitte af en klits die melk deeglik by.
  • Wanneer dit goed gemeng en glad is, sit terug op die hitte en gebruik ’n houtlepel om die sous te roer.
  • Bring tot by kookpunt en hou aan roer om te keer dat die sous aanbrand.
  • Geur na smaak.

 

Griekse lamskenkels

2 lamskenkels

6 gekapte knoffelhuisies

3 groot suurlemoene

500 g ongesoute botter

250 ml grofgekapte roosmaryn, tiemie, origanum

3 mediumgrootte wortels

1 groot ui

2 selderystingels

2 tamaties

1 groen soetrissie

250 ml rooiwyn

500 ml water

Metode

  1. Plaas grofgekapte wortels, uie, seldery, groen soetrissie en tamaties in ’n mediumgrootte oondskottel. Dis nie nodig om die groente te skil nie, want net die ekstrak gaan gebruik word.
  2. Maak botter in ’n mengbak sag en voeg gekapte knoffel en kruie, skil van twee suurlemoene en sap van drie suurlemoene by, asook water en wyn.
  3. Smeer die bottermengsel oor die skenkels, draai afsonderlik in foelie toe en sit bo-op die gekapte ekstrakbestanddele.
  4. Bak vir 2 ½-3 ure by 180 °C totdat die vleis van die been afval.
  5. Giet al die vloeistof sowel as die vloeistof van die vleis in die foelie in ’n medium pot en bring tot by kookpunt. Verdik om oor die skenkels op te dien.
  6. Dien op met romerige kapokaartappels en gestoomde groente van jou keuse.

 

Botterhoender

5 ml fyn komyn

5 ml kerriepoeier

5 ml paprika

2 ml kaneel

10 ml vars gemmer

10 ml vars knoffel

2 ml fyngedrukte rissies

5 ml suiker

1 hoenderekstrakblokkie

60 ml ongegeurde jogurt

5 ml garam masala

½ bossie vars koljander

2 blikkies gekapte tamaties

1 takkie kerrieblare

1 blikkie klappermelk

2 mediumgrootte uie

4 hoenderborsies, in blokkies gesny

Metode

  1. In ’n mediumgrootte pan, voeg gekapte ui en droë bestanddele by knoffel, gemmer en rissies en laat die geure vir 2 minute oor matige hitte vermeng.
  2. Voeg gekapte tamaties, klappermelk en suiker by en prut vir 20 minute.
  3. Seël blokkies hoendervleis in ’n afsonderlike pan, voeg botterhoendersous en jogurt by en prut vir 10 minute.
  4. Voeg gekapte vars koljander by en dien op.

 

Spaanse paella

1 l hoenderekstrak

250 ml witwyn

1 blikkie gekapte tamaties

2,5 ml saffraandrade

45 ml olyfolie

45 ml botter

1 medium geel ui, fyngekap

1 mediumgrootte rooi soetrissie, fyngekap

3 knoffelhuisies, fyngekap

10 ml paprika

2,5 ml swart peper

1 gedroogde chorizowors, in skywe gesny

750 ml kortkorrel-rys (Arborio)

250 ml bevrore ertjies

12 garnale, dermpie verwyder maar nog met die dop aan

12 swartmossels, afgespoel en skoongeskrop

250 ml calamariringe

60 ml gekapte pieterselie vir garnering

Metode

  1. Week saffraan in hoenderekstrak in ’n mediumgrootte bak.
  2. Braai uie, rooi soetrissie, knoffel, paprika, swart peper en skywe chorizowors in botter en olyfolie in ’n groot pan.
  3. Voeg rys by en braai vir ongeveer 3-4 minute totdat dit met olie en botter bedek is.
  4. Voeg hoenderekstrak by, saam met saffraan, tamaties en witwyn.
  5. Sit deksel op en laat rys vir 15 minute prut sonder om te roer, of totdat die rys die meeste van die hoenderekstrak geabsorbeer het. As die mengsel droog lyk, giet ongeveer 250 ml water daaroor, maar moenie roer nie.

 

Gebakte rooifluweelkaaskoek

Bestanddele

Kors

350 g tennisbeskuitjies

85 ml amandelmeel

100 g botter

Kakaopoeier

Vulsel

250 g roomkaas

150 g ricotta

125 ml strooisuiker

2 eiers

5 ml vanieljegeursel

100 g gesmelte donker sjokolade

1 ½ teelepel rooi voedselkleursel

Metode

  1. Druk die beskuitjies fyn en meng met die res van die bestanddele vir die kors. Druk dit in ’n veerbakpan vas.
  2. Om die vulsel te maak, plaas roomkaas, ricotta en suiker in voedselverwerker, meng vir 2 -3 minute totdat dit glad is.
  3. Skraap die kante van die bak skoon, voeg eiers by en meng vir nog ’n minuut.
  4. Voeg sjokolade en voedselkleursel by en meng goed.
  5. Giet vulsel in die veerbakpan met 1 cm basis.
  6. Bak in die oond by 180 °C vir 50-60 minute en laat dit afkoel.

 

 

Notice: Trying to access array offset on value of type bool in /usr/www/users/weddiny/wp-content/plugins/ds-suit/includes/modules/MasonryGallery/MasonryGallery.php on line 447