Hier word die belofte gemaak onder die groot Wildevy-boom met n prentjie mooi agtergrond van die granadilla boord.‘n Geskilderde troue knus geleë tussen die Waterberg. Uniek, asemrowend en enig in sy soort, met n stoep rooier as Robyn. Saam met familie & vriende word dié dag gedeel deur n glasie te klink, en dis hier waar herinneringe gekoester word soos n juweel. Elke bruilof verdien n kenmerkende feesmaal! Gaste geniet n heerlike broodtafel, voorgesit met n verskeidenheid peuselhappies en sit aan vir heerlike boerekos wat enige mond sal laat water. Die onthaal het n onbeskryflike atmosfeer daarom nooi ons jul om die bruilof hier te kom deel. Ons indrukwekkende saal kan ‘n maksimum van 300 gaste akkommodeer.

Mooiplaas is beslis iets besonders & soveel meer, ons stukkie Kaap in die hartjie van die Bosveld!